Kolja ia tha thjesht dhe hapur gruas së tij Svetlana:
– Kam një tjetër, prandaj po largohem prej teje.
Svetlana u ngrit qetë dhe filloi t’i mblidhte gjërat e tij në valixhe. Kolja priste që gruaja të fillonte të bënte skandal, ose të lutej që ai të mos e linte. Por Svetlana qëndroi e fortë, nuk donte që burri të shihte lotët e saj. Vetëm sapo mbylli derën pas tij, ajo u ul në dysheme dhe filloi të qante. Si mundi ai, në moshën 50-vjeçare, thjesht të ikte nga gruaja e tij? Për këtë mori vesh edhe vajza e tyre, e cila i tha mamasë të vinte menjëherë tek ata në shtëpinë verore, për t’u shpërqendruar e për t’u çlodhur.
Svetlana u përgatit dhe shkoi.
– Është, sigurisht, shumë e papritur, por ti meriton më të mirën, mami – e qetësonte vajza.
Edhe mbesa u afrua, duke e bërë atmosferën më të gëzueshme.
– Mami, ne me burrin po mendojmë të shkojmë në det për pushime, hajde edhe ti me ne. Hoteli është i mrekullueshëm, do të të pëlqejë.
Svetlana pranoi. Dhe jo më kot. Hoteli ishte me të vërtetë luksoz. Ndërsa vajza me burrin dhe mbesën vraponin buzë plazhit, Svetlana rrinte ulur në një tavolinë të një kafeneje të hapur.
– Më lejoni të ulem pranë jush? – dëgjoi një zë burrëror të këndshëm.
– Ulu.
Kështu Svetlana u njoh me Igorin. Tre vite më parë i kishte vdekur gruaja, fëmijët i jetonin jashtë shtetit, dhe ai parapëlqente të pushonte pranë një deti të qetë. Ata biseduan gjatë dhe ishte kënaqësi të shoqëroheshin.
Kur u kthyen në qytet, takimet vazhduan. Igori i sillte Svetlanës buqeta të mrekullueshme, e çonte në restorante dhe ekspozita. Pastaj i tha:
– Pse ta zgjasim më? Ne nuk jemi më 20 vjeç. Svetlana, sapo të pashë në det, e kuptova menjëherë se ti je njeriu im i afërt. Shpresoj që edhe ti e ndjen këtë. Martohu me mua.
Svetlana shpërtheu në lot gëzimi. Pranoi. Mbeti vetëm të divorcohej nga Kolja. Takimi me ish-burrin ishte shumë i pakëndshëm:
– E gjete menjëherë një tjetër dashnor – ia nisi Kolja, i zemëruar, sepse e dashura e tij e re e kishte lënë për një njeri më të pasur.
– Faleminderit Kolja që më le të lirë, ndryshe kurrë s’do të kisha zbuluar që ekzistojnë burra kaq të mrekullueshëm si Igori im – ia ktheu Svetlana.
