Kur Arturi e la gruan dhe shkoi tek kushërira e saj, Marina i mallkoi të dy. Por as vetë ajo nuk e priste një fund të tillë.
Tre vite pas martesës, Arturi dhe Marina ishin gati të sillnin në jetë një fëmijë. Arturi kishte banesë, të dy kishin punë të qëndrueshme. Madje Arturi kishte filluar të ngjitej në karrierë. Me pak fjalë, të gjitha kushtet për një bebe ishin të krijuara… Ekografia e radhës tregoi se Marina ishte shtatzënë me djalë. Lajmi i gëzoi shumë, sepse të dy ëndërronin për një djalë. Problemet filluan në muajin e shtatë të shtatzënisë. Arturi papritur vuri re se gruaja e tij e hollë dhe elegante ishte “shpërhapur” në formë.
Marinën nuk e shqetësonin aq shumë përmasat e saj, por shikimet e neveritshme që burri i hidhte. Ai madje u zhvendos të flinte në dhomë tjetër. Për më tepër, filloi t’i kushtonte gjithnjë e më shumë vëmendje kushërirës së saj Galinës. Ajo ishte tre vjet më e re se Marina dhe i ngjante shumë Marinës para shtatzënisë. Marina sapo kishte hyrë në muajin e nëntë të shtatzënisë, kur Arturi i tha se po largohej prej saj dhe po shkonte tek Galina. Sepse nuk mund ta shihte më Marinën. Madje i dukej e neveritshme.
Marina vuajti shumë, por megjithatë mblodhi gjërat dhe u shpërngul tek e ëma. Fëmija i saj lindi i shëndetshëm, i fortë dhe shumë i qetë. Kur Borja mbushi gjashtë muaj, Marina hasi rastësisht në fotografitë e dasmës së ish-burrit. Arturi dhe Galina pozonin të lumtur në rrobat e dasmës.
— Të vuani të dy njësoj si unë! — pëshpëriti Marina.
Kaluan katër vjet. Marina fitoi sërish formën dhe bukurinë e dikurshme, u martua me një koleg, ai e birësoi Borën dhe së fundmi atyre u lindi edhe një djalë i dytë. Ato ditë Marina me fëmijët ishte në këndin e lojërave. Papritur pranë saj u ul Arturi.
— Para një muaji u ndava nga Galina. Ajo lindi një vajzë me aftësi të kufizuara. Motra jote paska pasur një “krimb të brendshëm”. E di që erdha vonë. Por më duhet djali im.
— Ti nuk ke djalë. Harrove që u mohave prej tij kur ende nuk kishte lindur? Më vjen keq që vajza juaj lindi ashtu, por ju të dy e keni merituar vuajtjen tuaj. Këtu nuk ke vend.
